GRØN ORKA | Ørsted og Esvagt, íløgur í skip, ið nýta grønari orku 🍃

Avtalan millum Ørsted og Esvagt er ein spegilsmynd av ynskinum at minka CO2-útlátið í skipaferðsluni, samstundis sum rakstrurin innan havvind minkar.

(Mynd📸 : Esvagt/ Søren Karas, Esvagt og Lars Høj Jørgensen, Ørsted)

Ørsted og Esvagt taka eitt týdningarmikið fet aftrat á leiðini at minka CO2-útlátið innan skipaferðslu og havvind.

Sum lið í nýggjum slóðbrótandi sáttmála hevur Ørsted, heimsins fremsta fyritøka innan havvind, og Esvagt, sum er fremst á marknaðinum innan tænastu til havvindídnaðin, avgjørt at gera íløgur í fyrsta tænastuskipið (SOV), sum kann sigla við grønari brennievni.

Tænastuskipið verður útgjørt við ravlaði og “duall fuel”-motorum, sum kunnu nýta varandi e-metanol, ið verður framleitt við havvindi og “biogenum” kolevni (kolevni, sum kann mátast) sum brennievni. Tað fer at minka CO2-útlátið við 4.500 tonsum.

Tað skrivar Esvagt í tíðindaskrivi.

Skipaferðslan hevur stóran tørv á grønum brennievnum, sum eru kostnaðarmiklari í dag enn vanligu brennievnini. Við at bíleggja nýggja tænastuskipið vísa Ørsted og Esvagt viljan at stuðla grønari skipaferðslu.

---

Tíðindabræv

Trýst á knøttin og melda teg til okkara tíðindabræv

Kelda: Antares

Fylg Facebook #'s:

#BlueFaroeIslands #Sjóvinnuforum #Grønorka #Ørsted #Esvagt

Fylg LinkedIn #'s:

#BlueFaroeIslands #Sjóvinnuforum #Grønorka #Ørsted #Esvagt