FIRUM | Vinnarin av lutakastinum um 10.000 kr er funnin!

Ólavur Í Geil
Dec 12, 2025
1 min read

Jógvan Johannesen vann tær 10.000 krónurnar í lutakastinum.

Fríggjadagin 12. desember varð lutakastið hildið, og vinnarin gjørdist Jógvan Johannesen. Tað var hin 23. september at Jógvan fiskaði sílið við Sandsvatn á Sandi.

Jógvan hevur verið raskur at senda inn brævbjálvar, og í ár eydnaðist tað honum so at gerast tann hepni vinnarin.

Vit vilja minna á, hvussu týdningarmikið tað er, at sílafiskarar senda okkum brævbjálvar við sílaroðslu. Roðsla gevur okkum virðismikla vitan um síl, sum til dømis aldur og hvar tey hava hildið til.

Síðani 1. desember 2019 hava sílafiskarar havt møguleika at luttaka í árliga lutakastinum um 10.000 kr. Lutakastið er partur av verkætlanini um føroysk sjósíl, sum Firum skipar fyri, við stuðli frá Føroya Havbúnaðarfelagið.

Nýggj kapping í 2026

Tað er sannlíkt at verkætlanin um føroysk sjósíl heldur fram í 2026. Firum heitir tí framvegis á sílafiskarar um at senda inn sílaroðslu í bjálvum, eins og higartil. Í desember 2026 verður nýtt lutakast um aðrar 10.000 skattafríar krónur.

Les meira um sjósílaverkætlanina

Kontaktpersónur: Kirstin Eliasen

Havbúnaðarfelagið fíggjar verkætlanina.

Úrslitini frá sjósílaverkætlanini 2024 kann lesast her.