top of page
Post: Blog2 Post
BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png

FSN | Annfinnur Garðalíð heldur fram sum formaður í FSN

Føroya Skipara- og Navigatørfelag, FSN, hevur í dag havt aðalfund, har formaðurin seinastu sjey árini, Annfinnur Garðalíð, varð afturvaldur at standa á odda fyri felagnum komandi árið. Ein nevndarlimur segði seg frá, og í hansara stað er Finnbogi Berg nývaldur.

(Mynd 📸 Ólavur í Geil. Á myndini, Annfinnur Garðalíð)


Sum siður er, hava manningarfeløgini aloftast aðalfund millum jóla og nýggjárs, tí tá eru flestu limirnir heima í jólafrí. Hetta er eisini galdandi fyri Føroya Skipara- og Navigatørfelag, sum í dag hevur havt aðalfund á Hotel Garden Inn í Havn.


Formaðurin verður ikki valdur á sjálvum aðalfundinum, men verður valdur av nevndini. Á nevndarfundinum beint eftir aðalfundin varð sitandi formaður, Annfinnur Garðalíð, afturvaldur sum formaður fyri komandi árið. Hann fer sostatt undir sítt áttanda ár sum formaður fyri Føroya Skipara- og Navigatørfelag. Somuleiðis var Elias Zachariasen afturvaldur sum næstformaður í felagnum. Eins og formaðurin varð hann eisini valdur sum næstformaður í 2014.


Hinir í nevndini eru Kristen Friis, Jørgen Nielsen, Jákup Gøthe, Niels Jørgen Nielsen, Anfinn Fagraklett, Jóhan Eli L. Poulsen, Jón Bogi Guttesen, Kristian Oskar Henriksen og Finnbogi Berg. Síðstnevndi er nývaldur og er komin í nevndina fyri Leiv Christiansen, ið ikki ynskti at stilla uppaftur.

Á myndini síggjast frá vinstru Annfinnur Garðalíð, formaður, Jón Bogi Guttesen, Jørgen Nielsen, Anfinn Fagraklett, Finnbogi Berg, Jóhan Eli L. Poulsen, Kristen Friis, Jákup Gøthe, nevndarlimir, Elias Zachariasen, næstformaður, og Jørgen Nielsen, nevndarlimur. Kristian Oskar Henriksen vantar á myndini.

 

Trýst á knøttin og melda teg til okkara tíðindabræv


Logo
Logo
Logo


Kelda: FSN

Fylg Facebook #'s:

Fylg LinkedIn #'s:

1 Comment


Guest
Dec 28, 2021

Hjartaliga til lukku 👍🏻

Like

  LES GREIN

BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png
bottom of page