.png)
%20(1).png)
HAGSTOVA FØROYA | Útflutningurin av fiskavørum vaksin 450 milliónir krónur
Updated: Dec 22, 2023
Fyrstu tíggju mánaðirnar í ár hava vit útflutt fiskavørur fyri 9,8 milliardir krónur. Tað eru 450 milliónir krónur meira enn sama tíðarskeið í 2022.
(Myndir og grafar 📸 📈 Hagstova Føroya)
Útflutningurin fyrstu tíggju mánaðirnar av 2023 er gjørdur upp, og samlað er útflutt fyri 10,5 milliardir krónur. Hetta eru 320 milliónir krónur meira enn sama tíðarskeið í 2022.
Størsti vøksturin sæst í bólkunum "Slógv og fiskaúrdráttir" og "Annar fiskur". Bólkurin "Annar fiskur" fevnir um vørur úr fiskasløgum ikki nevnd í talvuni niðanfyri. Meginparturin av vørunum í bólkunum er lýsi, mjøl, fóður og líknandi fiskavørur.
Virðið av laksaútflutninginum er minkað 239 milliónir krónur, ella 5,3 prosent. Nøgdin er minkað 7.990 tons, ella 13,3 prosent. Prísurin hevur verið góður, og enn er ein ávísur vøkstur í ársmiðalprísinum.
Útflutningsvirðið fyri botnfiskasløgini toskur, upsi og hýsa er minkað 254 milliónir krónur, ella ávikavist 18 prosent, 9 prosent og 23 prosent. Prísgongdin er lækkandi fyri øll tey týdningarmestu fiskasløgini (laksur undantikin).
Útflutningur til Russlands í oktober var 67.9 milliónir krónur, harav 64.3 milliónir krónur var makrel.
Trýst á knøttin og melda teg til okkara tíðindabræv
Kelda: Hagstova Føroya
Fylg Facebook #'s:
Fylg LinkedIn #'s:
.png)
%20(1).png)