top of page
Post: Blog2 Post
BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png

HAGSTOVA FØROYA | Útflutningurin av fiskavørum vaksin 556 milliónir krónur

Fyrstu níggju mánaðirnar í ár hava vit útflutt fiskavørur fyri 8,9 milliardir krónur. Tað eru 556 milliónir krónur meira enn sama tíðarskeið í 2022.

(Myndir og grafar 📸 📈 Hagstova Føroya)


Útflutningurin fyrstu níggju mánaðirnar av 2023 er gjørdur upp, og samlað er útflutt fyri 9,5 milliardir krónur. Hetta eru 403 millión krónur meira enn sama tíðarskeið í 2022.

Størsti vøksturin sæst í bólkunum "Slógv og fiskaúrdráttir" og "Annar fiskur". Bólkurin "Annar fiskur" fevnir um vørur úr fiskasløgum ikki nevnd í talvuni niðanfyri. Meginparturin av vørunum í bólkunum er lýsi, mjøl, fóður og líknandi fiskavørur.

Virðið av laksaútflutninginum er minkað 192 milliónir krónur, ella 5 prosent. Nøgdin er minkað 6.669 tons, ella 13 prosent. Prísurin hevur verið góður, men seinastu mánaðirnar er prísvøksturin steðgaður.

Útflutningsvirðið fyri botnfiskasløgini toskur, upsi og hýsa er minkað 256 milliónir krónur, ella ávikavist 22 prosent, 8 prosent og 17 prosent. Prísgongdin er lækkandi fyri øll tey týdningarmestu fiskasløgini.


Útflutningurin til Russlands var 88,9 milliónir krónur í september 2023. Av hesum er 78,2 milliónir krónur uppsjóvarfiskur.


 

Trýst á knøttin og melda teg til okkara tíðindabræv


Logo
Logo
Logo


Kelda: Hagstova Føroya

Fylg Facebook #'s:

Fylg LinkedIn #'s:

Comments


  LES GREIN

BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png
bottom of page