THE ALLIANCE | Økir nú kapasitetin á høvuðsfarleiðum

Í einari roynd at at basa stóru seinkingunum í veitingarliðunum, tekur The Alliance nú størri skip inn á týdningarmestu farleiðirnar, samstundis sum talið á bingjum verður økt. Tað skrivar TradeWinds.

Orsøkin til nógvu seinkingarnar eru drúgvu bíðitíðirnar í havnunum, og so bíða nøkur skip mangan í einari havn eftir øðrum skipum, sum aftur eru seinkað. Tað skulu fleiri og størri skip á farleiðunum við mest ferðslu hjálpa uppá saman við eyka bingjum.

Veruleikin er tann, at tað fer at taka nakað av tíð, áðrenn vit koma aftur til tað, vit kendu, sigur Rolf Habben Jansen, CEO í týska reiðarínum, Hapag-Lloyd.

Saman við ONE, HMM og Yang Ming er Hapag-Lloyd tað, vit kalla 'The Alliance'.

Millum størstu reiðaríini lógu Maersk, og Hamburg Sud, ið Maersk eigur, væl betur enn miðal í fjør. Reiðaríi MSC kom á triðja plássi.

---

Tíðindabræv

Trýst á knøttin og melda teg til okkara tíðindabræv

Kelda: TradeWinds og Antares

Fylg Facebook #'s:

#BlueFaroeIslands #Sjóvinnuforum #Tíðindi #TheAlliance

Fylg LinkedIn #'s:

#BlueFaroeIslands #Sjóvinnuforum #Tíðindi #TheAlliance