top of page
Post: Blog2 Post
BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png

TÍÐINDI | DSV Uppstigað Vánirnar

Updated: Aug 5, 2022

Farmasendarin DSV hevur júst uppstigað vánirnar til restina av árinum, men tað eru døkk skýggj at hóma í havsbrúnni á einum annars blettfríum bláum himmali.

(Mynd 📸 Antares)

DSV-forstjórin, Jens Bjørn Andersen, metir, at marknaðurin fyri flogfarmi og farmi á sjónum fer at minka munandi komandi tíðina. Við dagblaðið Børsen sigur hann, at hann væntar eitt fall í sjóferðslumarknaðinum upp á 3,5 prosent, meðan farmurin loftvegis fellir við millum 7 og 10 prosentum - mált í mongdum.

- Minkingin kemur eftir broytt nýtslumynstur, sum korona og niðurlokingar hava trýst fram, og sum var gott fyri øll, ið arbeiða við flutningi, sigur hann í samrøðuni við Børsen.

Hann vísir á, at í byrjanini av koronufarsóttini sóu vit eitt skifti í nýtslumynstrinum frá uppliving til nýtslu. Vit keyptu flatskermar og urtagarðsmøplar, tá vit ikki sluppu út at ferast ella sluppu á matstovu. Nú hendir tað øvugta.

Hetta rákið arbeiðir eitt sindur ímóti DSV og restini av flutningamarknaðinum, hóast samlaði heimsvøksturin verður millum 2 og 3 prosent.

- Skiftið, vit síggja í nýtsluni, fer ivaleyst at hava lægri flutningstørv við sær, heldur stjórin í DSV við Børsen.

 

Trýst á knøttin og melda teg til okkara tíðindabræv


Logo
Logo
Logo


Kelda: Antares

Fylg Facebook #'s:

Fylg LinkedIn #'s:

0 comments

Comments


  LES GREIN

BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png
bottom of page