top of page
Post: Blog2 Post
BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png

TÍÐINDI | Funnu flaggið á Ólavi Gregersen

Sunnudagin, tá kavað varð niður á Ólav Gregersen, sum hevur ligið við Flesjarnar á Tangafirði síðan hin 10. januar í 1984, funnu kavarar flaggið á skipinum.

Á Facebook-vanganum hjá North Atlantic Diving er stutt frásøgn um eina kavaraferð, sum varð gjørd við Flesjarnar í gjár.


Kavarar hava nógvar ferðir verið niðri á farmaskipinum, Ólavi Gregersen, sum sigldi á Flesjarnar hin 10. januar í 1984.


Men, í gjár gjørdist dagurin serstakur, tá tey funnu flaggið - ella Merkið - á skipinum, sum øll hesi mongu ár hevur ligið við Flesjarnar.


Myndin, sum liggur á vanganum hjá North Atlantic Diving, er tikin við bátahylin á Toftum, har fleiri av teimum, sum vóru við á ferðini, standa við flagginum ímillum sín.


At síggja til er flaggið í rættiliga góðum standi, tá hugsað verður, at tað hevur ligið við havsins botn í skjótt 38 ár.


Viðhefta mynd eins og fleiri aðrar kunnu síggjast á Facebook-vanganum hjá North Atlantic Diving.

Tað var Bogi Krossteig hjá North Atlantic Diving, sum saman við trimum øðrum var og kavaði niður á Ólav Gregersen í gjár, tá flaggið á farmaskipinum varð funnið.


Ólavur Gregersen sakk við Flesjarnar á Tangafirði hin 10. januar í 1984 - ella fyri skjótt 38 árum síðan, og dúgliga hevur verið kavað niður á skipið í fleiri ár.


Bogi Krossteig sigur, at hann var niðri á skipinum í gjár saman við trimum næmingum, sum hava verið á skeiði hjá North Atlantic Diving.


- Eftir at eg kom aftur úr Danmark í 2017, havi eg verið niðri á vrakinum av Ólavi Gregersen einar 15-20 ferðir, og eg trúgvi, at eg havi verið í næstan hvørjum rúmi í skipinum.


Hann sigur, at skipið, sum liggur á bakborðssíðu, er farið nógv seinnu árini, og hann heldur ikki, at tað í dag er ráðiligt at fara so víða um skipið, har eitt nú brúgvin er illa farin.


- Men, eg kavi ongantíð einsamallur á slíkum ferðum, og neyðugt er at leggja kavingina væl til rættis, leggur hann aftrat.


Bogi Krossteig vísir á, at tá hann saman við øðrum kavaði niður á Ólav Gregersen í gjár, sá hann eitt sum líktist einum toydúki, ið var vinklað um mastrina á brúnni.


- Hetta vísti seg at vera eitt plagg, sum hevði litirnar reytt, hvítt og blátt, og eg vildi vita, hvat hetta var. Tá til stykkis kom, var hetta eitt føroyskt flagg, og eg gørdi eina varisliga roynd at fáa tað leyst.


Tað eydnaðist, og flaggið vísti seg at vera í sera góðum standi eftir so mongum árum á havsins botni.


- Ein orsøkin til, at flaggið nú kom undan kavi, er helst, at vrakið er farið meira og meira, og onkusvegna hevur hetta elvt til, at gjar og ymiskt annað, sum helst hevur fjalt flaggið, er dottið burtur av mastrini, sigur Bogi Krossteig.

 

Trýst á knøttin og melda teg til okkara tíðindabræv


Logo
Logo
Logo


Kelda: In.fo

Fylg Facebook #'s:

Fylg LinkedIn #'s:

0 comments

Comments


  LES GREIN

BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png
bottom of page