Vónin trolar eftir nýggjum sølufólki

Eva Andrésen
Jun 16
2 min read

Starvið fevnir um sølu av trolreiðskapi til uppisjóvarvinnuna her heima so væl sum uttanlanda.

(Mynd 📸 Vónin)

Vit trola eftir nýggjum sølufólki

Vónin hevur tørv á einum nýggjum sølufólki til at røkja eitt sera spennandi og fjølbroytt starv. Starvið fevnir um sølu av trolreiðskapi til uppisjóvarvinnuna her heima so væl sum uttanlanda.

Í starvslýsingini stendur at lesa:

Førleikar

V ímynda okkum, at tú hevur royndir frá trolara og dugir at síggja teg í einum starvið sum sølufólk, ella at tú hevur royndir sum sølufólk og hevur stóran áhuga fyri fiskivinnuni.

Vit bjóða

Vit bjóða eitt starv í eini altjóða fyritøku, sum er ein av fremstu innan sítt økið. Starvið er fjølbroytt har tú bæði kemur at arbeiða á kontórinum, men eisini er og vitjar kundar í Føroyum og uttanlanda. Tú kemur í stóran mun sjálv/ur at mynda títt arbeiði og verður arbeiðsstaðurin á høvuðssætið okkara í Fuglafirði.

Starvstreytir

Lønarviðurskiftir og setanartreytir verða sambært avtalu við leiðsluna.

Umsókn

Vil tú vita meir um starvið ert tú vælkomin at ringja til Hjalmar Petersen á telefon 214392. Skrivlig umsókn við CV, prógvum og møguligum viðmælum eigur at vera okkum í hendi í seinasta lagi 20. juni og skulu sendast til hjalmar@vonin.com við evninum “sølufólk”

Vónin varð stovnað í 1969 og er í dag ein av heimsins fremstu framleiðarum av fiskireiðskapi og aliútgerð við 17 deildum í Føroyum, Kanada, Grønlandi, Norra, Litava, Danmark og Russlandi. Í samstakinum starvast umleið 450 fólk.

Tíðindabræv

Trýst á knøttin og melda teg til okkara tíðindabræv