Yvirkapasitetur kann gerast ein av størstu avbjóðingunum hjá altjóða containersjóvinnuni komandi árini. Sambært Lloyd’s List, sum verður endurgivið av ShippingWatch, er samlaða ordrabókin fyri containerskip nú vaksin til umleið 43 prosent av verandi heimsflotanum.

Sambært Lloyd’s List heldur rákið við nýggjum skipaordrum fram, hóast nógv nýggj skip longu eru á veg inn á marknaðin. Tað vekir ótta fyri, at útboðið av skipakapasiteti fer at veksa skjótari enn eftirspurningurin eftir farmi.

Eisini hevur BIMCO ávarað um, at flutningsmarknaðurin kann koma undir trýst, tá stóra mongdin av nýggjum skipum verður latin. Sambært felagnum fer flotin at vaksa munandi í 2027, meðan eftirspurningurin ikki verður væntaður at vaksa í sama mun. [gcaptain.com]

Yvirkapasitetur hevur áður verið ein stór avbjóðing hjá vinnuni. Tá ov nógv skip eru tøk á marknaðinum, verða farmagjøldini ofta trýst niður, og tað kann raka lønsemið hjá bæði reiðaríum og skipaeigarum.

Hóast ávaringarnar halda fleiri aktørar fram at investera í nýggjan kapasitet. Tað vísir, at vinnan framvegis hevur vónir um vøkstur í heimsumfatandi handli, men samstundis er spurningurin, um marknaðurin verður førur fyri at taka ímóti øllum teimum nýggju skipunum, sum eru bílagt.

(Mynd: Wix)

Trýst á knøttin og melda teg til okkara tíðindabræv

Kelda: ShippingWatch við støði í greiningum frá Lloyd’s List og BIMCO.

Fylg Facebook #'s:

#BlueFaroeIslands #Sjóvinnuforum #Shipping #Sjóvinna #FaroeMaritime #Fiskivinna #Maritimeindustry #FaroeIslands #Directory #Faroeislandsmaritimedirectory #faroeislandsmaritimebusinessdirectory #officialgatewaytotheFaroeseMaritimeIndustry #faroesemaritimeecosystem

Fylg LinkedIn #'s:

#BlueFaroeIslands #Sjóvinnuforum #Sjóvinna #FaroeMaritime #Fiskivinna #Maritimeindustry #FaroeIslands #Directory 

#Faroeislandsmaritimedirectory #faroeislandsmaritimebusinessdirectory #officialgatewaytotheFaroeseMaritimeIndustry #faroesemaritimeecosystem