Færri, men størri skip.

Hóast færri skip koma á føroyskar havnir enn fyrr, er virksemið ikki minkað. Tvørturímóti.

Skipini eru vorðin størri, flyta meira og seta størri krøv til føroysku havnirnar.

Tað kann tykjast løgið, men ein av størstu broytingunum á føroysku havnunum síðstu áratíggjuni er, at talið av skipum er farið niður, samstundis sum virksemið er vaksið.

Fyrr komu nógv smærri skip inn og út av havnunum. Í dag koma færri skip, men nógv størri skip. Eitt nútímans uppsjóvarskip ella farmaskip kann flyta nógv meira farm enn fleiri eldri skip tilsamans.

Tað merkir, at tað ikki longur er talið av skipum, sum best lýsir virksemið í eini havn. Tað eru heldur tonsini, virðið á lastini og krøvini til havnina.

Frá nógvum skipum til stór skip

Úr hagtølunum sæst, at samlaða vitjunartalið - skipakomur - var tætt við 11.000 skrásetingar av skipum í 1990. Í dag er talið komið niður um 7.500.

Talan er um hesar havnir: Tórshavn, Klaksvík, Fuglafjørður, Runavík, Tvøroyri, Vágur

Hetta kundi bent á minni virksemi. Men veruleikin er hin øvugti.

Samlaða góðsmongdin, sum verður handfarin á føroyskum havnum, er vaksin nógv.

Skipini eru størri, hava djúpari kjøl og krevja longri og sterkari kaiir.

Tað er eisini ein av orsøkunum til, at føroyskar havnir í hesum árum útbyggja við nýggjum bryggjum, dýpingum og havnaløgum.

Nýggj krøv til føroyskar havnir

Tá eitt skip verður tvífalt so stórt, merkir tað ikki bara meira farm. Tað merkir eisini:

• størri dýpi undir kjølinum

• longri kai

• størri kranar

• betri goymslupláss

• meira ferðsla kring havnina

Tí er tað ikki tilvild, at flestu stóru havnirnar hava stórar útbyggingar á skránni ella í gongd.

Hvat siga tølini okkum?

Fyri vanliga føroyingin er lætt at halda, at nógv skip merkir nógv virksemi.

Men hagtølini vísa eina aðra søgu:

Føroyar flyta meira um havnirnar enn áður, hóast færri skip koma á vitjan.

Við øðrum orðum: føroyski búskapurin er vorðin meira effektivur. Hvørt skip flytur meira farm, meira virði og skapar meira virksemi enn áður.

Tað er eisini ein ábending um, hvussu føroyska vinnan hevur ment seg frá nógvum smáum eindum til færri, men nógv størri aktørar.

(Mynd: BFI)

---

Tíðindabræv

Trýst á knøttin og melda teg til okkara tíðindabræv

Kelda:  Hagstova Føroya

Fylg Facebook #'s:

#BlueFaroeIslands #Sjóvinnuforum #Shipping #Sjóvinna #FaroeMaritime #Fiskivinna #Maritimeindustry #FaroeIslands #Directory #Faroeislandsmaritimedirectory #faroeislandsmaritimebusinessdirectory #officialgatewaytotheFaroeseMaritimeIndustry #faroesemaritimeecosystem

Fylg LinkedIn #'s:

#BlueFaroeIslands #Sjóvinnuforum #Sjóvinna #FaroeMaritime #Fiskivinna #Maritimeindustry #FaroeIslands #Directory 

#Faroeislandsmaritimedirectory #faroeislandsmaritimebusinessdirectory #officialgatewaytotheFaroeseMaritimeIndustry #faroesemaritimeecosystem