NORSKA FISKIMÁLARÁÐIÐ | Útlendsk sjófólk skulu hava norska løn

Útlendsk ferðamannaskip, sum vitja Oslo, Bergen, Hardanger og Ålesund, kunnu ikki longur rinda filippinska løn, tá tey eru í norskum sjógvi

(Mynd 📸 Visit Norway)

Norski fiskimálaráðharrin, Bjørnar Skjæran, vil tryggja øllum sjófólkum lønar- og arbeiðsumstøður sambært norskum treytum, meðan tey eru í norskum sjógvi, eisini sjófólk við útlendskum ferðamannaskipum, sum hava Noreg sum høvuðsmál.

Arbeiðið at fyrireika lógaruppskotið er byrjað, váttar Skjæran fyri VG.

Tað merkir, at útlendsk ferðamannaskip, sum vitja Oslo, Bergen, Hardanger og Ålesund, ikki longur kunnu rinda filippinska løn, tá tey sigla í norskum sjógvi.

Bjørnar Skjæran er norskur fiskimálaráðharri. (Mynd 📑 Aftenposten)

Stórur sigur

Norska lønin er kortini ikki galdandi fyri skip, sum koma í norska havn við vørum og ferðafólkum, og fara avstað aftur.

- Hetta er ein stórur sigur, sigur formaðurin í norska Sjómannafelagnum, Johnny Hansen.

- Vit hava arbeitt við hesum síðani 2008, og nú hendir endiliga okkurt, sigur hann.

---

Tíðindabræv

Trýst á knøttin og melda teg til okkara tíðindabræv

Kelda: KVF

Fylg Facebook #'s:

#BlueFaroeIslands

Fylg LinkedIn #'s:

#BlueFaroeIslands