Navigare bjóðar almenninginum umborð á Hav Leiti

Eva Andrésen
2 hours ago
1 min read

Fríggjadagin 29. august klokkan 11:00 bjóðar føroyska reiðaríið Navigare til almenna móttøku í Søldarfirði í sambandi við, at fyrsta nýbyggingin hjá felagnum, Hav Leiti, kemur til Føroya.

Tiltakið verður ein hátíðarlig løta, har øll áhugað fáa høvi at síggja nýggja skipið, sum er ein týðandi liður í víðkanini av virkseminum hjá Navigare. Felagið hevur í áratíggju verið ein virkin partur av føroysku sjóvinnuni, og í ár hátíðarheldur tað eisini sítt 60 ára jubileum.

Á skránni fyri móttøkuna eru røður og hornorkestur, umframt at gestir fáa møguleika at fara umborð og vitja skipið. Eisini verður ábit at fáa.

Komin á føroyska sjóvinnupallin sum fyrsta nýbygging hjá Navigare, umboðar Hav Leiti bæði nýhugsan og framtíðarætlanir hjá felagnum. Móttøkan gevur almenninginum ein sjáldsaman møguleika at koma tætt at einum nýggjum vinnuskipi og fáa innlit í føroyska sjóflutningsvinnu.

Við sterkum røtum í føroyska sjóvinnuumhvørvinum og við hyggju móti framtíðini markera bæði komu Hav Leiti og 60 ára dagurin hjá Navigare ein nýggjan kapittul í søgu felagsins.