Jul 27, 20221 min read

SAMHERJI | Lítla milliard í vinningi í fjør

Orsøkin til góða útslitið er, at Samherji seldi partabrøv, 12 prosent, í einum øðrum stórum fiskivinnuvirki, Síldarvinnslunni, í fjør.

(Mynd 📸 Samherji.is)

Íslendska samtakið Samherji hevði 17,8 milliardir íslendskar krónur í vinningi í fjør, tað eru 950 milliónir føroyskar.

Í 2020 var vinningurin 420 milliónir føroyskar.

Orsøkin til stóra munin er, at Samherji seldi partabrøv, 12 prosent, í einum øðrum stórum fiskivinnuvirki, Síldarvinnslunni, í fjør.

Eginpeningurin fimm mia. kr.

Men høgi oljuprísurin sæst aftur í roknskapinum í fjør. Millum annað brúkti uppsjóvarskipið Vilhelms Þorsteinsson 16 milliónir føroyskar meira enn í 2020 til olju. Eginpeningurin hjá Samherja er fimm milliardir krónur, føroyskar.

13,6 mió. kr. í vinningsbýti

Samherji seldi fyri góðar 2,8 milliardir í fjør. Samherji eigur í føroyska felagnum Framherja, sum hevði 166,6 milliónir krónur í vinningi fyri skatt í fjør. Vinningsbýtið hjá Framherja er 13,6 milliónir.

Tíðindabræv

Trýst á knøttin og melda teg til okkara tíðindabræv