Stjóri til Faroe Ship

Eva Andrésen
4 minutes ago
2 min read

Faroe Ship søkir eftir framskygdum og týðuligum stjóra, sum framhaldandi skal vera við til at menna og styrkja fyritøkuna og tess leiklut í føroyska samfelagnum.

Vilt tú vera við til at tryggja føroyska samfelagnum bestu flutningsloysnirnar?

Faroe Ship søkir eftir framskygdum og týðuligum stjóra, sum framhaldandi skal vera við til at menna og styrkja fyritøkuna og tess leiklut í føroyska samfelagnum.

Samstundis skal stjórin vera partur av altjóða leiðslutoyminum hjá Eimskip og vera við til at menna og fremja ætlanirnar hjá samtakinum.

Høvuðsuppgávur og ábyrgdarøki

Sum stjóri hevur tú yvirskipaða fakliga, umsitingarliga og fíggjarliga ábyrgd av rakstrinum hjá Faroe Ship, herundir

at tryggja framtíðar vøkstur, herundir at optimera raksturin
at seta, menna og áhaldandi varðveita eitt sterkt og dugnaligt starvsfólkatoymi
at fremja sambond og samstørv í føroyska samfelagnum
at vera við til at fremja verkætlanir hjá Eimskip samtakinum
at vera virkin í altjóða leiðslutoyminum hjá Eimskip samtakinum

Krøv til útbúgving og førleikar

Vit vænta av tær, at tú

hevur gott handilsligt tev og fokus á loysnir
hevur holla vitan og royndir innan leiðslu, fíggjarviðurskifti og strategi
hevur viðkomandi útbúgving frá hægri lærustovni
hevur góðar samskiftisførleikar bæði í skrift og talu og ert stinn/ur í føroyska og enska málinum
ert skipað/ur og álitisvekjandi

Starvsbyrjan og setanarviðurskifti

Viðkomandi, sum fær starvið, byrjar í starvinum skjótast gjørligt.

Løn og setanarviðurskifti verða sambært avtalu.

Umsókn og freist

Umsókn saman við lívsrensli, prógvum og møguligum viðmælum skulu vera okkum í hendi í seinasta lagi 24. august 2025 á midnátt.

Hevur tú spurningar til starvið, ert tú vælkomin at seta teg í samband við Boga P. Nielsen, fráfarandi stjóra, á telefon 549000 ella á telduposti bpn@faroeship.fo

(Mynd 📸 Faroe Ship)

Tíðindabræv

Trýst á knøttin og melda teg til okkara tíðindabræv