FIRUM | Vitan til varandi aling | VTVA 2025

Eva Andrésen
3 days ago
1 min read

Firum skipar fyri vísindaligu ráðstevnuni "Vitan til varandi aling", hvørs endamál er at viðgera og leggja fram nýggjastu gransking, sum hevur týdning fyri alivinnuna.

Ráðstevnan vendir sær serliga til føroyska vinnulívið, almennu myndugleikarnar og granskingarumhvørvið sum heild.

Hetta er fjórða ráðstevnan av sínum slag, ið Firum fyriskipar.

Fyrrverandi ráðstevnur hava verið væleydnaðar og afturboðanirnar vóru, at tørvur er á fleiri vísindaligum ráðstevnum í Føroyum, so granskarar kunnu hittast oftari, samstarva tvørtur um fakmørk og leggja fram nýggjastu granskingarúrslit.

Tilmelding til VTVA 2025

Íroknað er lættur morgunmatur, døgurði á middegi, ymiskt leskiligt, meðan ráðstevnan fer fram og okkurt lætt, tá ið ráðstevnan er av.

Rokning verður send til eina t-post addressu, ið tú upplýsir okkum á tilmeldingarsíðuni.
Freistin at melda seg til 'VTVA 2025' er mánadagin 27. oktober 2025.
Tilmeldingin fer fram á sergjørdari tilmeldingar heimasíðu.

Kostnaður: 2.550,- kr.

Lesandi:Lesandi á hægri lærustovnum, luttaka ókeypis, tó er avmarkað nøgd. Um tú ert lesandi á hægri lærustovni, má tín luttøka váttast av Firum.

Send t-post til michael@firum.fo og kanna tínar møguleikar.