Apr 28, 20231 min read

MASKINMEISTARAFELAGIÐ | Nýggjur skrivstovuleiðari

Finnur Joensen byrjaði sum skrivstovuleiðari í Maskinmeistarafelagnum í apríl í ár.

(📸 Finnur Joensen, skrivstovuleiðari og Arnfinn Bech, formaður)

Maskinmeistarafelagið stendur fyri spennandi og avbjóðandi tíðum fyri framman, bæði á landi og sjógvi. Serliga er tað grøna orkuskiftið, sum samfelagið stendur mitt í og her hava maskinmeistarar stóra samfelagsliga ábyrgd. Tað sama er galdandi fyri maskinmeistarar á sjógvi, har sama grøna orkusskiftið setur sera stór krøv til serkøna fakligheit í masknuni.

Arbeiði hjá Finni inniber millum annað dagligan rakstur av skrivstovuni, fyrireiking av nevndararbeiði, sáttmálasamráðingar v.m. Somuleiðis er Finnur eitt týdningarmikil bindilið millum limirnar og sjálvt felagið við ráð- og vegleiðing í limamálum.

Finnur hevur drúgvar fyrisitingarligar royndir frá eitt nú Almannaráðum, ALS, Nærverkinum og seinast sum HR- og Fyrisitingarleiðari hjá privatari entreprenør fyritøku.

Umframt útbúgving sum cand.scient.adm. hevur Finnur prógv frá sosiala háskúlanum í Aarhus sum socialráðgevi.

Í løtuni starvast 3 fólk á skrivsstovuni á Grønlandsvegnum har Maskinmeistarafelagið heldur til.

Tíðindabræv

Trýst á knøttin og melda teg til okkara tíðindabræv