SMYRIL LINE | Hátíðarhald í Kina

Ein stórur dagur var hjá Smyril Line, tá fyritøkan saman við samstarvsfeløgum á CIMC Raffles skipasmiðjuni í Kina hátíðarhildu, at arbeiðið at byggja tey bæði nýggju RoRo-farmaskipini fyri felagið er byrjað.

“Nýggju farmaskipini eru ein týðandi íløga fyri felagið og ein liður í at tryggja eina effektiva og burðardygga flutningsleið í Norðuratlantshavi við eini orkusparing á minst 60%,” sigur Jens Meinhard Rasmussen, stjóri í Smyril Line. Hann leggur afturat: “Við nýggju skipunum leggja vit dent á at framtíðartryggja og leiða felagið fram ímóti eini grønari orkuloysn.”

Talan er um tvey eins RoRo-skip, ið verða 190 metrar til longdar og hava 3.300 sokallaðar lane metrar til treylarar. Nýggju farmaskipini fara at sigla í núverandi rutunetinum hjá Smyril Line, og tey fara eftir ætlan av bakkastokki í 2026.

(Myndir 📸 Smyril Line )

---

Tíðindabræv

Trýst á knøttin og melda teg til okkara tíðindabræv

Kelda: Smyril Line

Fylg Facebook #'s:

#BlueFaroeIslands #Sjóvinnuforum #SmyrilLine

Fylg LinkedIn #'s:

#BlueFaroeIslands #Sjóvinnuforum #SmyrilLine