.png)
%20(1).png)
TÍÐINDI | Bretska stjórnin biður fólk keypa sum vanligt til jóla
Og tað verður nóg mikið at keypa, eisini gávur, eftir at bingjur við leikum vórðu sendar til aðra havn, tí tað ikki slapst av við tær í havnini í Felixstowe.
Mangul er upp á lastbilaførarar í Felixstowe, og pláss fæst ikki fyri bingjunum í nøkrum goymslum í havnini.
- "Eg eri sannførdur um, at fólk fara at kunna keypa leikur til jóla sum vanligt", segði konservativi ráðharrin og næstformaður í Konservativa flokkinum, Oliver Dowden, við sjónvarpsstøðina Sky.
Oliver Dowden segði, at trupulleikarnir í havnini í Felixstowe eru við at vera loystir, eisini veitingartrupulleikarnir, sum fimtistørsti búskapurin í heiminum hevur havt – til dømis mangulin upp á lastbilaførarar og ovbyrjing av havnini.
- "Støðan er í bata", segði Dowden, og vísti til Felixstowe, sum stendur fyri 36 prosentum av øllum bingjufarmi í Bretlandi.
Upp á fyrispurning, um tað var skilagott at byrja at keypa beinanvegin, svaraði Dowden, at tað er bara at keypa sum vanligt.
Trýst á knøttin og melda teg til okkara tíðindabræv
Kelda: Antares.fo
Fylg Facebook #'s:
Fylg LinkedIn #'s:
