TÍÐINDI | Havnin á Gibraltar letur upp eftir samanstoyt

Meginparturin av oljuni, sum lak úr “OS 35”, er nú pumpað upp, og Gibraltar havn væntar, at havnin letur upp aftur í dag.

(Mynd📸 Antares)

Tað var mánadagin 29. august, at farmaskipið “OS 35” og tangaskipið “Ada LNG” stoyttu saman tætt við havnina á Gibraltar. “OS 35’ fekk eina tíggju metrar stóra rivu í skrokkin.

Eftir hendingina byrjaði OS 35 at leka olju. Skipið varð siglt upp á ein flúr, og tað var tá, at tað fór at leka olju.

Bjargingarlið á staðnum hava síðan tømt skipið fyri ráolju, diesel og smyrjolju.

Flótisperringar vórðu lagdar út, men tað forðaði ikki heilt olju at leka víðari út á sjógv.

“OS 35” er lastað við stáli, og hevði eini 220 tons av brennievni við lágum svávulinnihaldi og 255 tons av diesel umborð, tá tað strandaði.

Nú er avgjørt, at Gibraltar havn letur uppaftur.

---

Tíðindabræv

Trýst á knøttin og melda teg til okkara tíðindabræv

Kelda: Antares

Fylg Facebook #'s:

#BlueFaroeIslands #Sjóvinnuforum

Fylg LinkedIn #'s:

#BlueFaroeIslands #Sjóvinnuforum