top of page
Post: Blog2 Post
BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png

TÍÐINDI | Ísland vil ikki broyta áseting um føroyskan sildafiskiskap

Málið verður tikið fram aftur í heyst, sigur Árni Skaale, landsstýrismaður í fiskivinnumálum

(Mynd 📸 KVF.fo / Vestmenningur er eitt av uppsjóvarskipunum. Føroysk skip sleppa ikki at fiska norðhavssild allastaðni í íslendskum sjógvi)


Ísland vil ikki broyta ásetingina, sum sigur, at føroysk skip ikki sleppa at fiska norðhavssild allastaðni í íslendskum sjógvi.

Árni Skaale, landsstýrismaður, sigur í svari til Bjarna Hammer, løgtingsmann, at avmarkingin var seinast umrødd á fundi við íslendska fiskimálaráðharran í november 2020.

Ísland játtaði at kanna møguleikarnar fyri at endurskoða serligu ásetingina, sum avmarkar, hvar føroysk skip kunnu fiska norðhavssild í íslendskum sjógvi.

Á sumri 2021 fekk Fiskimálaráðið frágreiðing frá íslendsku myndugleikunum.

Teir greiddu frá teimum kanningum, sum íslendska havstovan hevði gjørt av sýnum, sum vóru tikin frá fiskiskapinum eftir norðhavssild í íslendskum sjógvi.


Ikki grundarlag fyri broytingum

Niðurstøðan var, at Ísland ikki metti grundarlag vera fyri at gera broytingar, tí stór íblanding av summargýtandi sild er á leiðini, har føroysk skip ikki hava loyvi at fiska.

Og Føroyar hava ikki kvotu av summargýtandi sild.

Føroysk skip sleppa ikki at fiska norðhavssild í íslendskum sjógvi sunnan fyri 67 stig, ella hinumegin 50 fjórðinga markið, sum Bjarni Hammer tekur til.

Málið verður tikið fram aftur í heyst, sigur Árni Skaale.

Hann sigur eisini, at 70.000 tons eru eftir av føroysku sildakvotuni, sum er góð 116.000 tons í ár.

 

Trýst á knøttin og melda teg til okkara tíðindabræv


Logo
Logo
Logo


Kelda: KVF.fo

Fylg Facebook #'s:

Fylg LinkedIn #'s:

0 comments

  LES GREIN

BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png
bottom of page