top of page
Post: Blog2 Post
BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png

BAKKAFROST | Nummar trý á lista yvir bestu fiskavirkir í Evropa

“Fyritøkan hevur sett fleiri tiltøk í verk fyri at minka um umhvørvisávirkanina, herundir at menna buðrardygt fóður og minka um CO2-útlátið”, er millum grundgevingarnar hjá altjóða vinnumiðlinum, Inventiva

(Mynd 📸 Portal.fo)


At føroyska alifyritøkan Bakkafrost er ein stórspælari, eisini á altjóða støði, kann síggjast í greining, sum altjóða vinnumiðilin, Inventiva, júst hevur kunngjørt yvir tær bestu fiskivinnufyritøkurnar í Evropa.


Við støði í veiðu/framleiðslu og inntøkum, hevur miðilin, ið hevur høvuðssæti í India, gjørt listan, har føroyska Bakkafrost kemur inn á triðja pláss.

Sterkast er risastóra norska ali- og fiskivinnufyritøkan Marine Harvest, ið eisini hevur eitt dótturfelag í Føroyum, og sum nú kallast Movi, er nummar eitt á listanum hjá Inventiva. Fyritøkan umsetti í 2020 fyri umleið 3,6 milliardir evrur.


Á øðrum plássi kemur spanska fiskivinnufyritøkan Pescanova, hvørs skipafloti fiskar umleið 250.000 tons um árið, og sum í 2020 hevði ein umsetning á umleið 1,1 milliardir evrur.


Ein av heimsins størstu alifyritøkum

Um fyritøkuna á triðja plássi, Bakkafrost, skrivar miðilin.

“Bakkafrost er ein føroysk alifyritøka, sum framleiðir umleið 55.000 tons av laksi um árið. Í 2020 var umsetningurin umleið 500 milliónir krónur.


Fyritøkan varð stovnað í 1968, og er síðan vaksin til at gerast ein av størstu laksaalifeløgunum í heiminum.

Bakkafrost hevur fleiri alistøðir í Føroyum, og er sterkt til staðar bæði innallands og á altjóða marknaðunum. Ein av styrkjunum hjá fyritøkuni er lyftið at arbeiða fyri burðardygd.


Fyritøkan hevur sett fleiri tiltøk í verk fyri at minka um umhvørvisávirkanina, herundir at menna buðrardygt fóður og minka um CO2-útlátið. Bakkafrost hevur eisini sett sær fyri at menna burðardyggar arbeiðsgongdir og er í samstarvi við felagsskapir fyri at fremja ábyrgdarfulla alivinnu. Umframt at hava fokus á buðrardygd, hevur Bakkafrost eisini gjørt stórar íløgur í innovatión og tøkni.


Fyritøkan hevur ment fleiri nýggjar arbeiðshættir fyri at betra um virkisføri og buðrardyggar arbeiðsgongdir, eitt nú framkomnar fóðurskipanir og eftiransingartøkni. Bakkafrost hevur eisini ment fleiri nýggjar framleiðslulinjur hesi seinastu árini, herundir virðisskapandi vørur, so sum royktur laksur og laksaburgarar.”


Hinar fyritøkurnar á topp-10 listanum hjá Inventiva yvir tær 10 betur fiskivinnufyritøkurnar í Evropa eru:


4. Grieg Seafood, Noreg. Alifyritøka. Árlig framleiðsla 100.000 tons av laksi. Umsetningur í 2020: Umleið 550 milliónir evrur.


5. Marine Harvest Scotland. Alifyritøka. Árlig framleiðsla umleið 45.000 av laksi. Umsetningur í 2020: Umleið 430 milliónir evrur


6. Royal Greenland. Fiskivinna. Umsetningur í 2020: Umleið 500 milliónir evrur.


7. Lerøy Seafood Group, Noreg. Umsetningur í 2020: Umleið 1,5 milliardir evrur.


8. Austevoll Seafood, Noreg. Umsetningur í 2020: Umleið 1,1 milliardir evrur.


9. Sirena Group, Italia. Framleiðir niðursjóvaðar vørur, mest tun. Umsetningur í 2020: Umleið 350 milliónir evrur.


10. Nueva Pescanova, Spania. Alifyritøka. Umsetningur í 2020: 1,1 milliardir evrur.


 

Trýst á knøttin og melda teg til okkara tíðindabræv


Logo
Logo
Logo


Kelda: Portal.fo

Fylg Facebook #'s:

Fylg LinkedIn #'s:

  LES GREIN

BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png
bottom of page