Post: Blog2 Post

Ferðslan um Reyða Havið økist aftur

Eva Andrésen

4 minutes ago

1 min read

Eftir fleiri ár við óvissu og trygdaravbjóðingum er ferðslan um Reyða Havið nú aftur í vøkstri.

Nýggj tøl vísa, at serliga bingjuskipini eru farin at venda aftur til siglingarleiðina gjøgnum Suez-veitina og Bab el-Mandeb-sundið.

Sambært Red Sea Brief hjá Lloyd’s List Intelligence var september 2026 tann mánaðurin við mest ferðsluni fyri Suez-veitina síðani desember 2023. Ferðslan ígjøgnum veitina vaks 21 prosent samanborið við sama tíðarskeið í fjør, meðan bingjuflutningurin vaks heili 40 prosent frá august til september.

Sama gongdin sæst hjá altjóða reiðaríum, sum í vaksandi mun velja styttru leiðina gjøgnum Reyða Havið fram um siglingina kring Cape of Good Hope í Suðurafrika.

Sambært greiningarfyritøkuni Xeneta er flutningsorkan á leiðunum gjøgnum Reyða

Havið tvífaldað seinastu seks vikurnar.

Hóast gongdin er jalig, er ferðslan framvegis væl undir støðinum frá tíðini undan kreppuni. Tøl frá Lloyd’s List Intelligence vísa, at ferðslan framvegis liggur 39 prosent undir støðinum undan Houthi-álopunum, sum byrjaðu í 2023.

Serfrøðingar meta tó, at økta skipaferðalan um Reyða Havið kann fáa stóra ávirkan á altjóða farmaprísir og veitingarkostnað komandi árið, tí styttri siglingarleiðir geva vanligt lægri kostnað fyri kundan.