Mærsk fremur enn eina royndarferð gjøgnum Reyðahavið

Eva Andrésen
13 minutes ago
1 min read

Amerikanska-flaggskipið Maersk Denver sigldi gjøgnum Bab el-Mandeb-sundið sunnu- og mándagin.

(Mynd 📸 Arkiv mynd)

Talan var um aðra royndarseglferð hjá Maersk síðani tann fyrsta við Maersk Sebarok í desember 2025. Bæði skipini eru partur av MECL-tænastuni millum India, Miðeystur og eysturstrondina í USA, sum annars hevur siglt um Kap Det Gode Håb.

“Trygdin hjá okkara manning, skipum og farmi er framvegis av størsta týdningi fyri okkum, og neyðugu trygdarráðini vórðu sett í verk undir ferðini. Kundar, ið hava farm umborð á hesum skipi, verða kunnaðir beinleiðis,” upplýsir Maersk í eini kundafráboðan.

Felagið leggur afturat, at um trygdarstøðið loyvir tí, verður farið víðari við eini stigvísari tilgongd at endurupptaka sigling gjøgnum Suez-kanalin og Reyðahavið. Í løtuni eru tó ongar aðrar gjøgnumsiglingar á skránni.

Fleiri containerfeløg royna nú aftur sigling í økinum, men ein full endurkoma frá rutunum um Afrika letur framvegis bíða eftir sær. Higartil er CMA CGM einasta reiðarí, sum hevur kunngjørt eina fasta rutu gjøgnum Reyðahavið og Suez-kanalin.

Tíðindabræv

Trýst á knøttin og melda teg til okkara tíðindabræv