Norðborg nýggjan altjóða standard fyri pelagiska framleiðslu

Eva Andrésen
1 day ago
2 min read

Optimar og Nordborg menna heimsins mest framkomna pelagiska skipsdekk.

(Myndir 📸 Optimar Global)

Optimar og Nordborg menna heimsins mest framkomna pelagiska skipsdekk

Frystitrolarin Norðborg skal hava eitt av heimsins mest framkomnu pelagisku skipsdekkum. Optimar er valt sum veitari av fult automatiseraða framleiðsluskipanini, sum verður sett upp á Mest Skipasmiðju í Føroyum.

Hendan uppsetingin er ein stórur varði fyri bæði Norðborg og Optimar, og setur ein nýggjan standard fyri effektiva, burðardygga og automatiseraða fiskavirksemi umborð.Verkætlanin er úrslitið av einum drúgvum og fruktbærum samstarvi millum feløgini. Optimar leveraði fyrsta virkið til Nordborg í 2009. Tá var tað framkomið. Nú, 15 ár seinni, taka tey tað enn longur.

– Vit sameina okkara serstøku royndir frá landbaseraðum pelagiskum virki við okkara serkunnleika innan framleiðslu umborð, sigur Jon-Åge Eidem, sølustjóri hjá Optimar.

Mennt í tøttum samstarvi við NorðborgNýggja virkið er ment í tøttum samstarvi við reiðaríið og verður sett upp á 81 metur langa Norðborg. Skipanin er fullkomiliga automatiserað – frá sortering og frysting til pakking og “platting”.

– Hetta vísir framkomna og ambitiónsríka hugsan hjá Norðborg, greiðir Eidem frá.

– Hjá okkum snýr henda íløgan seg um at vera frammanfyri og tryggja hægstu møguligu góðsku til okkara marknaðir. Við at arbeiða tætt saman við Optimar, vita vit at vit fáa tøkni sum er roynd, álítandi og tillagað okkara tørvi, sigur Hallstein Jacobsen, tøknileiðari hjá P/F Hvalnes.

– Skipanin kann handfara upp til 200 tons um dagin av sild, makreli og svartkjafti. Hon hevur eitt samanhangandi snið, sum minkar munandi um handarbeiði, betrar um vørugóðsku og gevur stórar orkusparing, leggur Eidem afturat.

Full sporbarheit

Nýggja loysnin tryggjar fulla stýring av vørugóðsku, veiðutíð, fiskasløgum og hitastigi við framkomnari sporbarheitartøkni. Hvør vøra kann sporast frá veiðu til lidna vøru.

Virkið inniheldur eisini ein nýmenntan vatnrættan frystara, sum betrar munandi um vørugóðsku.

Fullkomiliga automatiseraða linjan betrar eisini um trygd og arbeiðsumstøður hjá manningini, við ergonomiskum sniði, so lítil sum til ber av tungum at lyfta og framkomnum eftirlitsskipanum.

– Eg síggi hetta sum eitt stórt framstig í okkara rakstri. Nýggja virkið fer at gera okkara arbeiðsgongdir meira effektivar, tryggari fyri manningina og betri fyri umhvørvið, sigur Jón Rasmussen, skipari á Nordborg.

– Hetta er ein stór framstig fyri Norðborg, 15 ár eftir okkara fyrstu levering. Vit seta stórt virði á álitið og sterka samstarvið, vit hava bygt upp gjøgnum árini. Saman hava vit skapt eina loysn, sum ikki bert livir upp til núverandi krøv – hon setur ein nýggjan altjóða standard fyri pelagiska framleiðslu umborð, sigur Eidem.

Tíðindabræv

Trýst á knøttin og melda teg til okkara tíðindabræv

Kelda: Optimar Global