Ráðstevna 8 juni: Fiskur og framtíðin – møguleikar og avbjóðingar

Á altjóða degnum fyri havið, mánadagin 8. juni, skipar formansskapurin í Norðurlendska ráðharraráðnum fyri eini spennandi altjóða ráðstevnu í Sjóvinnuhúsinum á Vestara Bryggju í Tórshavn.

Heiti á ráðstevnuni er:  Fiskur og framtíðin – møguleikar og avbjóðingar

Evnið fyri ráðstevnuni er, hvussu framtíðarsamfelagið kann fáa mest møguligt virði úr tilfeinginum í sjónum?

Ráðstevnan fer í høvuðsheitum at fevna um:

• Nýskapanartøkni og matvørur úr sjónum í ár 2026 – Fokus verður sett á nýskapandi tøkni innan fiskiskap og sunnar og burðardyggar matvørur úr sjónum

• At eggja ungum at starvast innan framtíðar fiskivinnuna – Hvussu kunnu ungir spírar støðugt verða drignir at nýskapandi umhvørvi, ið skapa grundarlag fyri nýggjum vørum úr sjónum? 

• At endurbyggja fiskastovnar og burðardygg umsiting – Hvussu kunnu vit tryggja eina framtíðar burðardygga gagnnýtslu av havsins tilfeingi, og hvørjar royndir hava norðanlond fyri at endurbyggja fiskastovnar?

• Fiskivinnan í ár 2050 – Hvørjar væntanir hevur framtíðar samfelagið til eina burðardygga fiskivinnu?

Sí fleiri upplýsingar á heimasíðuni hjá Nordisk Fiskerisamarbejde: 8. juni Konference Fisk og Fremtiden – Nordisk Fiskerisamarbejde

Nærri kunning um tilmelding, skrá og fyrilestrarhaldarar kemur seinni.

---

Tíðindabræv

Trýst á knøttin og melda teg til okkara tíðindabræv

Kelda: fisk.fo

Fylg Facebook #'s:

#BlueFaroeIslands #Sjóvinnuforum #Tilfeingisogvinnumálaráðið #Fiskivinna #fiskfo #fiskivinnumálaráðið #ráðstevna

Fylg LinkedIn #'s:

#BlueFaroeIslands #Sjóvinnuforum #Tilfeingisogvinnumálaráðið #Fiskivinna #fiskfo #fiskivinnumálaráðið #ráðstevna