RUSSLANDS SÁTTMÁLIN | Uppsjóvarvirkini halda ondini

Ger Russland álvara av ætlanini um innflutningsbann, kann avleiðingin vera, at uppsjóvarvirkini standa still, nú sildavertíðin byrjar

Higartil í ár er makrelur fyri góðar 320 mió. kr seldur til Russlands og sild fyri 165 mió. kr. (Mynd📸 KVF.fo)

Tað er ein tíðandi útflutningsmarknaður, sum er í vanda, um Russland ger álvara av at seta innflutningsbann fyri føroyskum uppsjóvarfiski. Í tíðindaskrivinum hjá Interfax verða trý fiskasløg nevnd, sum bann kann setast fyri. Tey eru makrelur, sild og lodna. Føroyar útflyta ikki lodnu til Russlands, men higartil í ár er makrelur fyri góðar 320 mió. kr. farin til Russlands úr Føroyum, og sild fyri 165 mió. kr., vísa tøl frá Hagstovuni, sum eru til august í ár.

Bogi Jacobsen er stjóri í Varðanum Pelagic (Mynd📸 KVF.fo) Árini 2019, '20 og '21 hevur virðið á útflutninginum av makreli og sild til Russlands verið umleið eina milliard krónur. Í fjør minkaði virði á silda- og makrelútflutninginum til Russlands niður í góða hálva milliard krónur.

Og føroysku virkini halda nú ondini, um russar gera álvara av ætlanunum. Tí avleiðingin kann vera, at uppsjóvarvirkini standa still, nú sildavertíðin byrjar. Tað sigur Bogi Jacobsen, stjóri á Varðanum Pelagic.

---

Tíðindabræv

Trýst á knøttin og melda teg til okkara tíðindabræv

Kelda: Blue Faroe Islands

Fylg Facebook #'s:

#BlueFaroeIslands #Sjóvinnuforum

Fylg LinkedIn #'s:

#BlueFaroeIslands #Sjóvinnuforum