UNESCO FØROYAR | Føroyskur bátur smíðaður á Steig í Sandavági

Stórt hátíðarhald var sunnudagin, nú Sandavágs Bygdarsavn og Sandavágs Fornminnafelag hava tikið stig til, at ein føroyskur bátur verður smíðaður í túninum á Steig í Sandavági í summar.

Nógv fólk vóru møtt til frálíka tiltakið sunnudagin 2. juli. Røður vóru hildar um føroyskt bátasmíð og bátasmiðir í Sandavági og um hvussu arbeitt verður við føroyskum bátasmíði í sambandi við UNESCO-sáttmálan um verju av siðaarvi.

Vakri føroyski báturin er ein týdningarmikil partur av okkara føroyska og felags norrøna siðaarvi. Í 2021 varð føroyski báturin, saman við súðubygdu bátum úr hinum Norðurlondunum innskrivaður á UNESCO-listan yvir umboðandi siðaarv hjá mannaættini. Við innskrivingini varð staðfest, at føroyski báturin, bátasmíð, brúk, siðvenjur og vitan um føroyska bátin skal verjast og førast víðari til komandi ættarlið.

Tiltakið hjá Sandavágs Bygdarsavni og Sandavágs Fornminnafelag er eitt týdningarmikið stig á leiðini. Hjartaliga tillukku við tiltakinum og blíðan byr.

Í summar verður bátasmiðurin Terji R. Jakobsen at hitta í túninum á Steig í Sandavági mánadagar og fríggjadagar kl. 14-16.

Dagbjørn Hansen greiðir frá verkætlanini

Kristina Djurhuus Christiansen frá Tjóðsavninum helt røðu

Síðsti báturin, ið varð smíðaður á Steig

Sámal Ravnsfjall undirhelt við sangi

(Myndir 📸 Unesco Føroyar)

---

Tíðindabræv

Trýst á knøttin og melda teg til okkara tíðindabræv

Kelda: UNESCO Føroyar

Fylg Facebook #'s:

#bluefaroeislands #sjóvinnuforum #UnescoFøroyar

Fylg LinkedIn #'s:

#bluefaroeislands #sjóvinnuforum #UnescoFøroyar