VINNUHÚSIÐ | Útlendsku sjófólkini eru neyðug fyri føroyska handilsflotan

Updated: Feb 27

Nýggj kanning frá Reiðarafelagnum fyri Handilskip (RFH) vísir, at skal føroyski handilsflotin vaksa og mennast er neyðugt við útlendskum sjófólki.

(Mynd 📸 Handilsfelagið fyri Reiðaraskip)

Nýggj kanning frá Reiðarafelagnum fyri Handilskip (RFH) vísir, at skal føroyski handilsflotin vaksa og mennast er neyðugt við útlendskum sjófólki.

Tilmæli frá RFH:

Landsstýrið má raðfesta maritimu útbúgvingarnar á sjógvi og á landi og arbeiða miðvíst við at tryggja eina góða tilgongd av starvsfólkum til vinnuna
Reiðarí mugu hava góða og smidliga atgongd til útlendsk sjófólk

Skal føroyski handilsflotin halda fram við at vaksa og mennast, so er neyðugt við útlendskum sjófólki. Tað vísir ein nýggj kanning hjá Reiðarafelagnum fyri Handilsaskip (RFH). Útlendsku sjófólkini umborð á føroyskum handilsskipum eru 140 fleiri enn tey vóru í fjør. Sama tíðarskeið vísir, at talið av føroyskum sjófólki seinasta árið stendur í stað.

RFH hevur kannað starvsfólkatal og tjóðskap hjá reiðaríum undir RFH síðani 2018.

Handilsskip skapa nógv arbeiðspláss

Kanningin hjá RFH vísir at vinnugreinin skapar nógv arbeiðspláss. Tann 1. januar 2024 vóru í alt 1.616 starvsfólk knýtt at vinnugreinini, bæði á sjógvi og á landi. 1.350 sjófólk eru umborð á skipum , meðan 266 starvsfólk arbeiða á landi.

Atgongd til starvsfólk á landi og á sjógvi

Vinnan hevur í nógv ár vitað, at tað letur seg ikki gera at manna skipini við bara føroyingum. Hetta kemst av, at virksemið er so umfatandi, at tað ikki eru nóg mikið av føroyskum starvsfólkum tøk. Tað er tí neyðugt bæði at marknaðarføra og uppraðfesta maritimu útbúgvingarnar, umframt at tryggja vinnuni støðuga atgongd til útlendsk sjófólk. Tørvur er m.a. á fleiri sjóvinnuútbúgvingum bæði á miðnámi og universitetsstigi.

RFH er við í arbeiðnum at endurskoða ávísar maritimar útbúgvingar. Skulu vit stimbra áhugan hjá teimum ungu fyri tí maritima, er neyðugt, at politiska skipanin raðfestir maritimu útbúgvingarnar frammalig

Sí ársfrágreiðingina HER

Tíðindabræv

Trýst á knøttin og melda teg til okkara tíðindabræv