Vinnudagurin hjá Vágs Kommunu

Eva Andrésen
Apr 21
2 min read

Árligi vinnudagurin hjá Vágs Kommunu verður ónsdagin 13. mai. Vinnudagurin er ætlaður vinnurekandi í Vági og áhugaðum samstarvsfeløgum hjá fyritøkum í Vági og kommununi.

Vinnudagurin verður hildin á Garðslon, har byrjað verður klokkan 12.00 við ábiti, og klokkan 13.00 bjóðar forkvinnan í Vinnu- og havnanevndini vælkomin. Aftaná verða tríggjar áhugaverdar og viðkomandi framløgur:

Stjórarnir Jaspur og Reimund Langgaard frá Kodio greiða frá um strategiina hjá fyritøkuni at vaksa og at fara út um landoddarnar.
Deildarleiðarin fyri sølu og innkeyp hjá MEST, Richard Mortensen, kemur at greiða frá um virksemi og kósina framyvir hjá MEST.
Niclas Heri Jákupsson kemur at greiða frá um at selja – hvussu man gerst uppsøkjandi og proaktivur og hevur virðiligt samskifti við kundarnir.

Eftir framløgurnar verður høvi til prát, netverkan og at njóta okkurt leskiligt á Jugga.

Luttøka og tilmelding

Vinnudagurin er ókeypis fyri fyritøkur í Vági. Fyritøkur og samstarvsfelagar uttanfyri Vág eru eisini vælkomin at luttaka, kostnaður fyri hvørt umboð er 400 kr.

Tilmelding fer fram við at senda ein teldupost til edith@vagur.fo og upplýsa, hvussu nógv koma frá tykkara fyritøku. Seinasta freist at melda til er fríggjadagin 8. mai.

(Photo 📸 Port of Vágur)

Tíðindabræv

Trýst á knøttin og melda teg til okkara tíðindabræv