Ólavur Í Geil
- Feb 20, 2023
- 1 min read

VINNUHÚSIÐ | Semja við Maskinmeistarafelagið og Fiskimannafelagið

Fríggjadagin skrivaði Reiðarafelagið fyri Handilsskip undir semju við Maskinmeistarafealgið og Fiskimannafelagið. Semjurnar eru á sama støði sum aðrar semjur í samráðingarrundini hjá Føroya Abeiðsgevarafelag fyri 2022-2024

(Mynd 📸 Vinnuhúsið)

Fríggjadagin 17. februar skrivaði Reiðarafelagið fyri Handilsskip undir semju við Maskinmeistarafealgið og Fiskimannafelagið.

Semjurnar eru á sama støði sum aðrar semjur í samráðingarrundini hjá Føroya Abeiðsgevarafelag fyri 2022-2024. Sáttmálarnir við Maskinmeistarafelagið og Fiskimannafelagið eru longdir við tveimum árum fram til 1. mars 2025.

Lønin hækkar 1. mars 2023 við 3,8% og 1. mars 2024 við 4,04%. Harumframt eru aðrar tillagingar í sáttmálunum.

Reiðarafelagið fyri Handilsskip hevur 6 sáttmálar við Maskinmeistarafelagið og Fiskimannafelagið. Við hvørt felag er ein høvuðssáttmáli og tveir sersáttmálar fyri frálandaskip.