top of page
Post: Blog2 Post
BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png

SMYRIL LINE | Nýggjan høvuðsbygning í Havn

Updated: Jun 23, 2022

Smyril Line skal hava ein nýggjan høvuðsbygning. Nýggi bygningurin verður á havnalagnum – úti á molanum.

(Myndir: 📸 dimma.fo)


– Vit hava manglað pláss í fleiri ár, sum hevur havt við sær, at okkara virksemi er spjatt á trý støð í Havn, sigur Jens Meinhard Rasmussen, stjóri í Smyril Line við danska miðilin Søfart.

Í løtuni er Smyril Line heimahoyrandi í tveimum kontórbygningum í Havn, meðan flutningsfarstøðin er á havnalagnum.

Men við verkætlanini, í samband við at byggja tjóðleikhús á Bursatanga, segði Heðin Mortensen, borgarstjóri í Tórshavnar kommunu, tá tíðindafundur um nýggja tjóðleikhúsið var í mars mánaða í fjør, at í framtíðini fór alt farmavirksemi, sum í dag er innan fyri havnaskrivstovuna, fer at verða flutt út um havnaskrivstovuna, har millum annað nýggj farstøð til Smyril Line skuldi byggjast úti á molanum, men nú er so greitt, at ætlanin er eisini at byggja ein høvuðsbygning til Smyril Line á økinum eisini.

– Nú fara vit at savna alt virksemið á einum stað, og hava í hesum sambandi verið í samband við arkitektar, soleiðis at okkara nýggja høvuðssætið samstundis verður eitt eyðsýnt eyðkenni fyri allan býin, sigur Jens Meinhard Rasmussen við Søfart.

Í nýggju ætlanini fyri havnalagið í Havn er eisini ætlanini, at Norrøna skal hava atløgupláss úti á molanum – í rókinum, har sum núverandi havnaskrivstova er.

Tá tjóðleikhúsið kemur upp at standa á Bursatanga, fer alt økið innan fyri havnaskrivstovuna at verða ruddað. Núverandi farstøð fer tó at standa eftir, sum Strandferðslan skal brúka til Smyril og Ternuna.

 

Trýst á knøttin og melda teg til okkara tíðindabræv


Logo
Logo
Logo


Fylg Facebook #'s:

Fylg LinkedIn #'s:

0 comments

Comentários


  LES GREIN