top of page
Post: Blog2 Post
BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png

TÍÐINDI | Virkisøkið hjá sendistovuni í Íslandi verður víðkað til at fevna um Grønland

Updated: Feb 15, 2023

Í sambandi við, at landsstýrismaðurin í uttanríkis- og vinnumálum, Høgni Hoydal, hesa vikuna hevur verið í Grønlandi á ES ráðstevnuni EU Arctic Forum, hitti hann grønlendska starvsfelaga sín, Vivian Motzfeldt.

(Mynd 📸 UVMR.fo)


”Tað hevur stóran týdning fyri landsstýrið at menna sambandið við Grønland. Serliga í hesum óstøðugu tíðum, og tí Norðuratlantshavið og Arktis er vorðin ein geopolitiskur miðdepil.” -Høgni Hoydal, landsstýrismaður í uttanríkis- og vinnumálum

Á fundinum varð millum annað umrøtt hvussu sambondini millum londini bæði kunnu styrkjast.

Landsstýrismaðurin handaði grønlendsku stjórnini skriv, har boðað varð frá, at sendikvinnan í Reykjavík, Halla Nolsøe Poulsen, framyvir eisini skal røkja viðurskiftini við Grønland. Harvið verður virksemið hjá sendistovu Føroya í Íslandi eisini víðkað til at fevna um Grønland. Í fyrstu atløgu fer sendikvinnan at vitja í Grønlandi, og hitta viðkomandi stovnar og myndugleikar, og á tann hátt kveikja undir samstarv á ymsum økjum.

Vivian Motzfeldt fegnaðist um hesi boð, og ynskti sendikvinnuni vælkomna sum umboð fyri Føroyar í Grønlandi.

”Tað hevur stóran týdning fyri landsstýrið at menna sambandið við Grønland. Serliga í hesum óstøðugu tíðum, og tí Norðuratlantshavið og Arktis er vorðin ein geopolitiskur miðdepil,” sigur Høgni Hoydal, landsstýrismaður.

 

Trýst á knøttin og melda teg til okkara tíðindabræv


Logo
Logo
Logo


Kelda: UVMR.fo

Fylg Facebook #'s:

Fylg LinkedIn #'s:

0 comments

Comments


  LES GREIN

BFI Lýsing - Storm lítil (470 x 140 px).png
BFI Lýsing - Storm lítil (470 x 140 px) (1).png
bottom of page