VINNUHÁSKÚLIN | Spennandi venjing umborð á Brimli

Undirvísing fer sum oftast fram í eini floksstovu – eisini á Vinnuháskúlanum – men herfyri luttóku skiparalesandi á Vinnuháskúlanum í spennandi venjing umborð á Brimli.

Marjun Thomsen, skeiðslærari á Vinnuháskúlanum og útbúgvin sjúkrarøktarfrøðingur, luttók saman við næmingunum, og tað var skeiðið í heilsulæru, sum var karmur um venjingina.

Pál Weihe, yvirlækni í Sjúkrahúsverkinum, luttók í venjingini sum lækni og eygleiðari. Manningin umborð á Brimli stóð fyri praktisku venjingini í samstarvi við tyrlumanningina hjá Atlantic Airways.

Við Marjuni á odda sluppu hesi lesandi á Vinnuháskúlanum at royna sjúkraviðgerð á staðnum og at flyta fólk av skipinum við tyrlu.

Myndirnar tala fyri seg! Allir partar fingu nógv burturúr læruríku venjingini.

(Myndir 📸 Vinnuháskúlin)

---

Tíðindabræv

Trýst á knøttin og melda teg til okkara tíðindabræv

Kelda: Vinnuháskúlin

Fylg Facebook #'s:

#BlueFaroeIslands #Sjóvinnuforum #Vinnuháskúlin

Fylg LinkedIn #'s:

#BlueFaroeIslands #Sjóvinnuforum #Vinnuháskúlin